1. 因為知道之後有排忙,
放早餐時間一定食個比平時豐富好幾倍的早餐.
(8A食到9A, 之後忙到2:30P放工...
先番NQ換衫, 落到佐敦食野都3點幾.)
2. 明明ward man已經嗌左幾次去tea,
但係都唔想去同唔敢去, 因為唔夠時間搞掂d野...
(你唔做冇人幫你做, 姐姐係度ge話都會幫你take一條街,
呀叔長期唔知閃左去邊, 如果去左tea, 出番黎要更加趕咁做.
最後嗌左幾次ward man都放棄左: 唔好意思呀同學仔,
我地e個ward成日都好似打仗咁架,
你等陣得手之後就自己入去tea啦,
再唔係就早幾個字放工啦......
真係好愛e個ward man >3<
可惜, 最後都係忙到能夠準時放工已經係萬幸!)
3. TUNS同出placement有d唔同,
收得人工更大壓力.
點都要做哂d野先off duty,
唔係真係好對唔住咁好人ge ward man同miss, 呀sir....
(試過番P遲左20min先走....
1hr全場 take BP同round片,
我覺得已經係奇蹟.....)
4. 放左工之後, 對腳好似唔係自己咁.
有時適應唔到個speed, 行路快到好似跑咁,
有時隻腳又痛到龜速咁拖住行....
明明有得番屋企訓, 但係都訓得唔好,
訓左落床仲不停係度諗聽日幾點要做D咩,
又驚會唔知醒.
(6:30A要上到ward, 我4:30A已經醒左.)
5. 放左工番到屋企會expect自己咩都唔做,
攤屍係梳FA就算.....
(但係唔明點解今日我仲要洗碗同做project lor...~.~
番到屋企都係繼續忙...
明明佢成日都係屋企無野做,
就係因為我之前PA無番屋企, 佢洗左所以今日到我....
雖然本來係好少事, 但係加上左"放工後"三隻字,
就變左一大問題......
加上個腦好累, 唔想諗project,
但係之後又無時間wor.
頂硬上, 鬼叫一開始自己唔request多幾個O)
6. 出ward講得太多野, 番到屋企一粒聲都唔想出.
7. 番A更(因為太早, 6:30A),
不論上ward前,出ward後都見到同學仔打喊露....
再繼而自己都打埋一份.....
8. 番TUNS番到累, 要諗下d原因support自己.
有時幾辛苦, 聽到病人一句"唔該哂姑娘, 你去做自己野啦, 我知你地好忙架, 好多野做...",
非常感動, 立即疲勞盡消, charge up 左, 衝去做其他野.
doris又提議: 啦! 你諗下出糧ge時候, 換哂d一百蚊紙, 然後慢慢mit, 咁就好開心架啦.
我: 咁不如換哂做一蚊銀算啦, 可以數耐d.......
天啊!!!! doris教我d咩方法呀????!!!!!
9. 放工明明好累, 但係有時又會一放工就勁精神想去玩....
因為做TUNS真係用左好多時間, 我個美好的聖誕假咁就無左.
MISS知道左我地"只做兩個星期TUNS"的原因係因為用放假時間做,
立即話: 下? 咁咪仲累過平時番學LOR? 咁即係無放過假JA WOR, 好辛苦WOR.....
唉.....連MISS都覺.......
10. 宜家e個天氣, 著大褸,戴頸巾好正常.
但係做TUNS的我地只係著件紙咁薄的短袖uniform就上ward啦.
呀叔: 嘩.....姑娘仔你咁勇呀? 著件短袖夠啦....
其實我好想同佢講, 唔夠,
只係除左係uniform上再著多件ward用的薄外套就無其他方法,
係ward唔可以著其他褸, 好多菌, 好污漕....
幸好係ward忙完, 跑黎跑去幾個鐘之後, 人係熱到可以出汗.....
